Wann ich morjens fröh durch Kölle jonn
Un die Stadt weed jrad eets wach
Un de Sonn schick ihre eetste Strohl
Kaffeedöff treck mer en de Nas

Wann ich vun Düx üvver d’r Rhing minge Dom ahnluur
Met Dir en mingem Ärm
Springk mieh Hätz un ich han su e Jlöcksjeföhl
denn ich weiß ich ben doheim

Wann ich am Dach dann durch mieh Kölle jonn
em bunte Drieve, medden dren
verschiedene Minsche un Kulture, friedlich vereint
Dann ben ich stolz ne Kölsche zo sin

Wann ich vun Düx üvver d’r Rhing minge Dom ahnluur...

Jo wann ich ovends dann durch Kölle jonn
wo mir Fründe zesamme sin
Mer fiere, danze, han vill Spass
Minsch ben ich fruh dat ich ne Kölsche bin

Wann ich vun Düx üvver d’r Rhing minge Dom ahnluur...

Wann ich vun Düx üvver d’r Rhing minge Dom ahnluur...

Springk mieh Hätz un ich han su e Jlöcksjeföhl
denn ich weiß ich ben doheim
Jo en Kölle sin mir doheim!

Mit großer Freude stellen wir unseren diesjährigen Karnevals-Song vor, der sich ganz gut anlässt, zum Karnevals-Hit zu werden. Immerhin brachte er uns schon in den WDR4 - "Immer wieder neue Lieder" (ab 29:40)

 

Text und Musik: Andreas Pater

Der Song ist hier bei Amazon erhältlich:  www.amazon.de/Jlöcksjeföhl/dp/B07JPYS5M5